Charta commutationis terrarum in villis Vincella et Lopcheaco inter monasterium Cluniacense et Aymonem, uxoremque ejus Beliardem.
Placuit atque convenit inter monacus Sancti Petri Cluniense, necnon et ab alia parte Aymoni et uxore sua Beliarda, ut terras inter se commutarent. In primis donant atque commutant monachi Sancti Petri a partibus Aymoni et uxore sua Beliarda curtilem unum cum vinea et campo, in pago Matisconense, in agro Fuscense, in villa Vincella, qui terminat in tres partes Sancti Stephani, a mane Sancti Petri, [et]
habet in longo perticas XVIII, in ambis frontibus perticas XIIII. Similiter donat atque commutat Aymo et uxore sua Beliarda, a partibus Sancti Petri Cluniensi, campum in ipso pago, et in villa Lopcheaco, qui terminat a mane de ipsa terra, a medio die via publica, a sero Guulberti, a cercio Sancti Stephani; habet in longo perticas XXXIII, in uno fronte perticas X, in alio fronte perticas VII. Infra istos terminios, unusquisque in scamium suum quod accepit teneat et possideat, sine ullo contradicente. S. Aymo et uxore sua Beliarda et infanti eorum, qui fierint et firmare rogaverunt. S. Adselino. S. Vilelmo. S. Gauseranno. S. Arlebaldo. S. Costantino. S. Rodulfo. S. Osberto. Data per manu Aldoni presbiteri, feria V, mense marcii, annos VII regnante Rotberti regis.
(Au dos:) Scamnum Aymonii in villa Vincella.